काठमाडाैं। राष्ट्रिय निकुञ्ज तथा वन्यजन्तु संरक्षण विभागले ढोरपाटन शिकार आरक्षमा आर्थिक वर्ष २०८३र८४ को पहिलो सिजनका लागि शिकार गराउन सिलबन्दी दरभाउपत्र आह्वान गरेको छ। नियमानुसार तोकिएको ब्लकमा नाउर, झारल र बँदेलको शिकार गर्नका लागि इच्छुक इजाजतपत्र प्राप्त फर्म तथा कम्पनीहरूबाट आवेदन माग गरिएको हो।
शिकारमा भाग लिन चाहनेहरूले आगामी कात्तिक १९ गतेभित्र दरभाउपत्र खरिद गरी कात्तिक २० गते दिउँसो १२स्०० बजेसम्म विभागमा बुझाउनुपर्नेछ। त्यसरी दर्ता भएका प्रस्तावहरू सोही दिन दिउँसो २स्०० बजे खोलिनेछन्।
दरभाउपत्र साथ कम्पनी दर्ता, कर चुक्ता, स्थायी लेखा नम्बर, ६५ हजार रुपैयाँ धरौटी भौचर र तोकिएका शिकारीहरूको हकमा पेशेवर शिकारी अनुज्ञापत्र पेस गर्नुपर्नेछ।
सबैभन्दा बढी कबोल गर्ने फर्म वा कम्पनीलाई सम्बन्धित ब्लक र प्रजातिको शिकार गराउन छनोट गरिनेछ। छनोट भएका पक्षले नियमअनुसारको अन्य दस्तुर बुझाउनुपर्नेछ भने राजस्व बुझाइसकेपछि शिकार नभएमा सो रकम फिर्ता हुने छैन।

