काठमाडाैं । काठमाडौँको चन्द्रागिरि-८, गैरीगाउँस्थित काठमाडौं फरेस्ट्री कलेज (KAFCOL) पब्लिक लिमिटेडले विभिन्न शैक्षिक तथा अनुसन्धान पदका लागि नयाँ जनशक्तिको माग गरेको छ।
कलेजले सार्वजनिक गरेको सूचना अनुसार १ जना भाइस प्रिन्सिपल/एकेडेमिक कोअर्डिनेटर र ४ जना पूर्णकालीन प्राध्यापक/शिक्षक (Full Time Faculty) पदका लागि आवेदन आह्वान गरिएको हो। भाइस प्रिन्सिपल पदका लागि सम्बन्धित विषयमा स्नातकोत्तर वा विद्यावारिधि (PhD) सहित आवश्यक अनुभव हुनुपर्नेछ भने पूर्णकालीन प्राध्यापकका लागि BSc Forestry र MSc NRM-RD अध्यापन गराउन सक्ने योग्य उम्मेदवार हुनुपर्नेछ।
इच्छुक तथा योग्य उम्मेदवारले आगामी २०८३ असोज ११ गते (२७ सेप्टेम्बर २०२६) भित्र आफ्नो बायोडाटा (CV) र कभर लेटरसहित कलेजको इमेल mail@kafcol.edu.np मा आवेदन दिन सक्नेछन्। यस सम्बन्धी थप विस्तृत जानकारी कलेजको आधिकारिक वेबसाइट www.kafcol.edu.np मा उपलब्ध छ।
