चितवन । खगेरी खोला संरक्षण तथा व्यवस्थापनका लागि सरोकारवालाबीच असोज १३ गते बृहत छलफल कार्यक्रम आयोजना गरिने भएको छ। डिभिजन वन कार्यालय चितवनको पहलमा भएको छलफलले खोलाको दीर्घकालीन संरक्षण, व्यवस्थापन तथा आगामी योजनाका विषयमा सम्बन्धित सबै पक्षलाई सहभागी गराउने निर्णय गरेको हो।
डिभिजन वन कार्यालय चितवनका वरिष्ठ डिभिजनल वन अधिकृत विष्णुप्रसाद आचार्यको अध्यक्षतामा भएको छलफलमा खगेरी खोला संरक्षण तथा व्यवस्थापनका लागि हालसम्म भएका काम, प्राप्त अनुभव र आगामी योजनाका विषयमा छलफल गरिएको थियो।
छलफलमा खगेरी सिँचाइ जल उपभोक्ता समिति, बरन्डाभार उपभोक्ता समिति, बीसहजार ताल व्यवस्थापन समिति, चितवन राष्ट्रिय निकुञ्जलगायत विभिन्न संघसंस्था तथा सरोकारवाला निकायका अध्यक्ष र प्रतिनिधिहरूको सहभागिता रहेको थियो।
बैठकले खगेरी खोला संरक्षणका लागि सम्बन्धित सरोकारवालाबीच साझा बुझाइ, सहकार्य र समन्वय कायम गर्दै अघि बढ्ने निष्कर्ष निकालेको छ। खोलाको दीर्घकालीन संरक्षण तथा व्यवस्थापनका लागि सबै सरोकारवालाको सहभागितामा असोज १३ गते बृहत छलफल कार्यक्रम आयोजना गर्ने निर्णयसमेत गरिएको छ।
बृहत छलफल कार्यक्रममा डब्लूडब्लूएफ नेपाल सहमति, राष्ट्रिय प्रकृति संरक्षण कोष , जलाधारविद् नवीन ढुंगाना, डिभिजन वन कार्यालयका सहायक तथा वरिष्ठ वन अधिकृतहरू र सम्बन्धित उपभोक्ता समितिका प्रतिनिधिहरूको सहभागिता रहनेछ।
छलफलमा डिभिजन वन कार्यालयका वन अधिकृतहरू तारा प्रसाद शिवाकोटी, बिराज चौधरी, सुजिन लामा गोले र बालकृष्ण खनाल, खगेरी सिँचाइ जल उपभोक्ता समितिका अध्यक्ष बेलबहादुर गुरुङ, बरन्डाभार उपभोक्ता समितिका अध्यक्ष तथा बीसहजार ताल व्यवस्थापन समितिका प्रतिनिधि प्रदीप तिमिल्सेना र चितवन राष्ट्रिय निकुञ्ज देवनगर पोस्टका लक्ष्मीनारायण शाहलगायत सहभागी थिए।
खगेरी खोला संरक्षण तथा व्यवस्थापनका लागि सरोकारवाला निकायबीच समन्वय र साझा कार्ययोजना निर्माणलाई प्राथमिकतामा राखेर आगामी छलफल अघि बढाइने जनाइएको छ।
it’s so important to protection boundaries area of this khageri khola base line area by involvement uplevel area community and lower area community people in participatory approach methodology